هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


~::( مدونتي الخـــــــــــاصة دموع فوق أهدآب الصبر )::~
 
الرئيسية غلطانه اللي تعشق اليوم رجال Emptyأحدث الصورالتسجيلدخول
  1_8610.gif ~:: [ زوارنــا الكــرام مـرحبــا بكـم في مـدونتي دمـوع فـوق اهـدآب الصـبر ]::~ 1_8610.gif

 

  غلطانه اللي تعشق اليوم رجال

اذهب الى الأسفل 
كاتب الموضوعرسالة
al.naifah

al.naifah



 غلطانه اللي تعشق اليوم رجال Empty
مُساهمةموضوع: غلطانه اللي تعشق اليوم رجال    غلطانه اللي تعشق اليوم رجال Empty20/6/2013, 7:25 pm

 غلطانه اللي تعشق اليوم رجال

اليوم لك ثاني مع راحة البال
وأنا بعد همي له اليوم ثاني..


اليوم تاركني أناظر بالأطلال
صورة ,, رساله ,, حلم ,, جرح وأماني 


ليلي قضيته بين هم وغربال
وأقول في نفسي حبيبي نساني ..


غنيت أنا عقبك من الضيق موال
يومك تسمع للطرب والأغاني..


لي دمعة من فوق الأوجان تختال
يومك تلاعب مترفات المباني..


وبي عبرة منها المخاليق تهتال
ياعبرتي لاتفضحيني عشاني ..


ياعبرتي خلي لك الصدر منزال
لاهوب بك داري ولا هوب عاني ..


مشغول له في ترفة حالها حال
ماهوب فاضي لعبرتي أو جناني ..


في يوم واحد نسته كل اللآمال
وش عاد لو يدري بشوق غشاني ..


ماهوب مثل أول هذاك الغلا زال
عزاه كيف الود زال بثواني ..


أربع سنين طوال ياكيف تنزال
وتحط في قلبك أحد مكاني !!.
 

ماكنت اظنك تجحد الود لاطال
اثرك على طريف وتبيني أعاني ..


قد قالوا إن البعد والصد قتال
وأنا اشهد انه علة بالمحاني ..


يومي أشوفك لابس بشت وعقال
والشارب الأسود وزول سباني ..


وعروستك من الحيا ترخي الشال
وترسل لها بسمة تزيد امتحاني ..


دمعي بلا علمي على وجنتي سال
اشتقتلك ليتك تحس بحناني ..


ليتك تشوف الحال يامتلف الحال
بس التفت لي شوف شالله بلاني ..


نصيتها تضحك لها لاهي سال
وأقول ياليته حبيبي نصاني ..


الله يادنيا التعاسه والأهوال
الله يستر وش يخبي زماني ..


 غلطانه اللي تعشق اليوم رجال
مهما حلف بالود يبقى أناني..

وقلب الرجال مابه من الحب مثقال
والبنت ترفه قلبها مايداني ..

حاولت أعبر والقلم في يدي مال
من هول مابي انعقد بي لساني ..


~ ~ ~
الرجوع الى أعلى الصفحة اذهب الى الأسفل
 
غلطانه اللي تعشق اليوم رجال
الرجوع الى أعلى الصفحة 
صفحة 1 من اصل 1
 مواضيع مماثلة
-
» أكبرقهر لاجيت تعشق لك إنســــــــــان
» اللي يبـي فرقـــاي... قـدامه البـــــاب
» حي الله اللي يغيب ويسرع الرده

صلاحيات هذا المنتدى:لاتستطيع الرد على المواضيع في هذا المنتدى
 :: ~:: [ أ قســـام المدونه ]::~ :: ~:: [ قصــائــد مكتوبه ]::~-
انتقل الى: